Lawngtlai, March 29, 2022 : Vawiin March 29, 2022 khan a ni thumna atan LADC Budget Session chu Pu VL. Hmuaka, Chairman kaihhruaina hnuaia neih chhunzawm a ni.
Pu C. Lalmuanthanga, Lungpher bialtu MDC zawhna chhangin Pu C. Hrangthianga, Revenue Department changtu EM chuan LADC hnuaia thawktu ten Bank loan an lak dawnin kan danin min phalsak angin Mortgage Registration fee atan Mortgage amount atangin 0.50% lak thin a ni a ti.
Pu C. Lalmuanthanga chuan, LADC hnuaia thawktute atangin loan la an tam thu leh Office atangin Mortgage fee reciept pek mumal a awm lo tih sawiin, 'Council-ina source kan neih chhun hetiang mai maia Office lam atanga tih a ni thin hi tih tawh lo nisela, enfiah nise' a ti bawk.
Revenue changtu EM Pu C. Hrangthiang chuan reciept kan cut avangain a pawisa pawh dawng kan ni a, kum 2021-2022 chhung khan Rs. 520,700 kan dawng a, hei hi Taxation department-ah kan chhunglut vek a, reciept cut lo ni ila hei zawng zawng hi kan hmuh a rinawmloh a ti a. Hetih lai hian Pu C. Lalmuanthanga duhdan angin reciept cut lohte a lo awm palh a nih chuan kan chhui ang a ti bawk.
Post a Comment