Sorkar flagship programme chu SEDP a ni - CM

MLA Lalrindika Ralte zawhna chhangin nimin khan Finance changtu Minister CM Zoramthanga chuan Mizoram Flagship progmamme chu Socio Economic Development Policy (SEDP) a nih thu a sawi a, kum 2019 atanga SEDP pawisa line department-te hnena sem dan chu chu 2019-2020 ah nuai 56260.79 a ni a, 2020-2021 ah nuai 11,383.91 niin, 2021-2022 ah nuai 8,893.45 a ni a, avaiin nuai 76,538.15 a ni. CM chuan February 12, 2022 a chhinchhiah danin Mizoramah Myanmar raltlan mi 24,289 an awm tawh a ni a ti.

HSSLC exam tan

Mizoram Board of School Education (MBSE) hnuaia HSSLC-Higher Secondary School Leaving Certificate Examination 2022 chu nimin atang khan Covid 19 hrileng vanga inkaihhruaina tha taka zawm chungin Mizoram pumah neih tan a ni.

Handloom Expo hawng

Ni 15 awh tur, puantah leh kutthemthiam thil siam phochhuahna, State Handloom Expo chu nimin khan Commerce and Industries Minister Dr R. Lalthangliana chuan Millenium Centre chung zawlah a hawng.

Heroin man

Nimin chawhnu khan Lunglei Police leh CID (SB) tangkawp chuan Heroin gram 257.8 (local market-a cheng nuaih 9.9 man hu leh international market-a cheng nuaih 128.9 man hu) chu  Venglai, Lungleiah Zaikunga (L) fapa, Zomuanpuia (26), Hrangchalkawn-a mi kut atangin an man. He thil hi chhui chhunzawm nghal a ni.

Raltlante mangang lo turin chah

Chief Minister chuan Raltlante chu hmun hrang hranga awm an nih avangin an tanpuina tur pawh pek kim loh a la awm a, District tina DC te hnenah tanpuina tur an pe tih sawiin raltlante chu mangang lo leh harsa lo va an awm theih nan a sawrkarin theihtawp a chhuah tih a sawi bawk. 

Post a Comment

Powered by Blogger.