Lunglei, March 29, 2022 : Nimin khan Social Welfare Minister Dr K. Beichhua chuan sorkar laipui Ministry of Women and Child Dev. kaltlanga ruahman One Stop Cen tre chu Serkawn, Lungleiah a hawng. Hawnna inkhawmah hian Lunglei HPC Vice Chairman Pu Lawmawma Tochhawng, MYC Chairman Dr Vanlaltanpuia, Lunglei DC Pu Kulothungan A leh official dangte, BCM thawktute, Lunglei MJA te, khaw tlang hruaitute leh tlawm ngai pawl hrang hrang aiawhte an tel.

One Stop Centre, Serkawn hi  aptist Church of Mizoram (BCM) leh Social Welfare Departmentt te tangkawp hmalakna niin a sakna hmun hi BCM-in ram a hman hawh tir a ni. One Stop Centre hi Ministry of Women and Child Dev. bultum a hmeichhia hlei hlen na tuar leh baihvaite tan a tlukluhna leh in-humhim lailawk na atana buatsaih a ni.

Dr K. Beichhua chuan Social Welfare & Tribal Affairs leh Women & Child Development ten nausen, nu leh naupangte, thalaite, pianphunga rualbanlote, kum upa zawkte leh tribal-te hamthatna leh hmasawnna turin theihtawp an chhuah mek zela, thawktute an hna a an inpekna leh an thawrimna a chhuanawm takzet a ni, a ti a. Mizoram chuan program hrang hrangah ram pum huap lawmman te dawngin Poshan Abhiyaan hnuaiah India ram puma ti tha ber anih bakah Champhai District chu ram pumah District ti tha ber niin Thingdawl Block chu ram puma Block ti tha ber lawmman an dawng hiala ti a; Nu naupai leh naupawm te tana sawrkar laipui program Pradhan Mantri Matri Vandana Yojana (PMMVY) hnuaiah Serchhip District chu 2018-19 leh 2019-20 khan India ram pumah Best Performing District lawmman an dawng hial a ni, a ti a. Heng hmalakna hrang hrangah hian Department-te chuan theihtawp an chhuah chhunzawm zel dawn a ni tiin hun reilote ah tar pension-te pawh an account a thun sak Direct Benefit Transfer (DBT) a kalpui tum a nih thu a sawi.

Nimin vek khan Dr. K. Beichhua chuan Pukpui, Lungleiah Lunglei Observation Home & Lunglei Special Home a hawng bawk. 

Post a Comment

Powered by Blogger.