Rauthla, February 28, 2022 : Russia-in a run mek leh sorkar laipuiin India mite a thiar chhuah mekna Ukraine ramah Mizoram mi Catholic hmeichhe puithiam pahnih an awm mek.
Home secretary Pu Vanlalngaihsaka chuan Ukraine rama Mizo an awm thu hi sorkar laipui a Ministry of External Affairs emaw Ministry of Home Affairs emaw atangin engmah thu an dawn loh thu a sawi a. Mizo an awm lo ni a an ngaih laiin Catholic kohhran hruaitute zawk atangin an rawngbawltute an awm thu hi an hriat thu a sawi.
Ukraine a Catholic kohhran rawngbawltu awm mek hi Sister Rosela Nuthangi leh Sister Ann Frida te an ni a. Rawngbawltu ropui leh mithianghlim a puan, Mother Teresa din Missionaries of Charity hnuai-a thawk ve ve an ni a. India mi dangte rualin an lo haw chho ve dawn nge dawn lo tih hriat a la ni lo.
Post a Comment