Rauthla Editorial, February 01. 2022 : LADC sorkar chuan hun engemawchen LADC hnuaia thawktute tan Thawhtanniah Lai thuam inbel tur a tih chu nimin atang khan Nilainiah Lai thuam hi ibel zawk tur a nih thu an chhuah a. Hei hi LADC hnuaia hnathawk ten kan zawm a pawimawh hle.
Lai hi hnam tlemte kan ni a, chimral tham lek kan ni. Hemi a nih avang hian a theih chin chinah chuan Lai hnam ziarang tihlanna tur hmanruaah chaklak kan thiam a pawimawh hle. Tawngah te, hmunhma langsar deuahte, kan thuamahte, pawl hruaituahte pawh nise, a theih chin chinah Lai kan nihna leh kan ziarang kan lantir thei nan tan kan lak thar a ngai hle.
Tin, kan Lai thuamte hi mipui nawlpui hak theih turin LADC a Industry Department te hian hralh chhuak sela, LADC a thawktute chauh lo pawhin kan hak sup sup theihna turin he department hian tan an lak a ngai. Puipun nikhua, Committee leh engemaw function-ah a tam thei ang ber kan Lai thuama kan inthuam a pawimawh a, chumi tur chuan a hmala ber department an pawimawh hle.
Post a Comment