Lawngtlai, February 01, 2022 : Nimin khan ZPM Lai District Hqrs. chuan chhung inkhawmna an nei a, he hunah hian Pu MC Lalramchhana, President ZPM Lai District Hqrs. leh Pu Masiama, advocate, Legal department, Gen Secretary, ZPM Gen. Hqrs Aizawl ten thusawina an nei.
Pu MC Lalramchhana, President ZPM Lai District Hqrs. chuan an party chu mar taka an kal tur thu a sawi a, party-a chanvo neitu pawh taima lehzual turin a chah a. Tunah hian Lawngtlai District-a Party thang chak ber an nih thu leh hmasawn nasa ber an nih thu a sawi a. ZPM MLA leh Minister neih ve an duh thu leh chumi atan chuan an theihna leh finna leh hun leh tha an sen a ngai hle a ti.
Pu Masiama chuan, kum 2023 inthlanpui lo awm turah hian majority in an chak ngei dawn a a lan thu a sawi a, Party then khat ten in awih nun nan coliation sorkar an beisei hi an mite inchelhna mai mai anih a rin thu asawi bawk.
Pu Masiama chuan, ‘He ramah hian Laifate hi Lalna leh thu neihna neih chakna bawih ata hi harh chhuak ula, tuna kan ADC te sum dawn atang ringawt pawh hian ram siam that duh tak takte tan chuan siam theihna sum a awm a ni’ ati a. Kan thian thenkhat ten thuneihna sang zawk leh fund tam zawk an buaipuite hi lo hlawh tling pawh ni se, kan ram hruaitute hian an thinlung an siam thar loh chuan, mi tlemte te tan chauh a ni leh tho anga,tuna in lian leh motor ropui tak tak nei mekte hian an neih belh leh ang a. Retheite bawk hi kan rethei leh tho chuan a pawi hle dawn a ni a ti bawk.
Post a Comment