Myanmar, February 11, 2022 : Myanmar Military Council chuan naktuk Inrinni, February 12, 2022 hian Union Day Diamond Jubilee a buatsaih dawn a, he ni hman denchhen hian Myanmar ram chhunga Military Council chuan an Sorkar dotu zinga thenkhat chu remna siampuia Sorkar intawm siampui turin a sawm.
He remna a sawipui turah hian anmahni dotu hlawm lian pahnih N.U.G leh CRPH chu an telh lova, an sawm zinga K.N.U (Karen National Union) C.N.F (Chin National Front) te pawhin an tel dawn loh thu an puang tawh.
Students Movement hrang hrang hruaitute biak pawh tumin an bei mek bawk a, nizan thleng khan an la hlawhtling lo. Millitary Council hian kiltin atangin nawrna a tawh avangin ram enkawlnaah kum khat hnuah pawh Sorkar angin a la kal hlei thei chuang lova, a chakai kawtawp tan tihtih tawh a ngaih a ni.
Sagaing Division chhunga Education a thawktu mi 60 chuang chuan tun thla ni 8 leh 9 khan an Sorkar hna an bansan vek. Sagaing Division-a Kanthuma Police Station pawh tualchhunga pawl tangrual panga ten an bei thut a, Police 60 zinga 40 chu kahhlum an ni. Police pasarih chu an tlanchhuak.
Kalaymyo Chhim lam Chianta khuaa Motor lut chu PDF in an lo bei a Sipai 15 thi a puan a ni.
Post a Comment