Aizawl, February 10, 2022 : Larsap Dr. Hari Babu Kambhampati leh a nupui Dr. Jayashree Kambhampati te chuan nimin khan Raj Bhawan ah Asian University for Women, Chittagong, Bangladesh a lut tur, Syngenta Scholarship Awardee Hmangaihzuali leh a chhungte thingpui an inpui a, Scholarship a hmuh avangin an lawmpui nan Larsap te nupa hian thilpek an hlan a ni.
Hmangzualin Syngenta company atanga kum 5 chhunga Asian University for Women-ah a zirchhunga senso zawng zawng tur scholarship a hmu chu a chhuan thu Larsap chuan a sawi a, he scholarship a dil dan te, University ah subject a zir tur te, a zir zawha a kal zel tum dan te leh an chhungkaw dinhmun te zawtin a zirna kawnga theihtawp chhuaha Mizoram tihmingtha turin a fuih a ni.
Agriculture lam buaipuitu khawvel huap pawha company lian tak, Switzerland a hmunpui nei Syngenta Company hian Asian Women University a lut tur zirlai 5 te chu an zirna senso man zawng zawng tum turin Scholarship a pe a, Hmangaihzuali pawh hi full scholarship dawng zingah thlan niin zirlai dang 4 chu Bangladesh mi an ni a. Hmangaihzuali hi Pu H. Lalbiakthanga fanu niin Thingsul Tlangnuam khua an ni.
Post a Comment