Rauthla, February 22, 2022 : ZPM Thalai chuan Lengpui Airport chei that hna thawh mêk thawktu hi restricted tender hmanga thlan niin, a thawktu hi Kâmlova Chhangte tih hmanga Mizo lemchang Kamrul Uddin Lasker, Chief Minister Pu Zoramthanga nena inhnîmhnâi tak ni a sawi niin; hetih rual hian, Kamrula hi a official address-ah pawh hmuh tur a awm lova, ZPM Thalaite'n 11.2.2022-a hmuh tuma kan zawn pawhin kan hmu zo lova, MSU meuh pawhin an hmu zo lo a ni an ti.
ZPM Thalai chuan Heng-te avâng hian he hnathawhna ah hian thil fel lo lian tak a awm niin ZPM Thalai chuan kan ngai a, kan sawrkâr hian mihring tak awm si lovin, mimal tu emaw hamthat nan Kamlova hming hawh chawpin Work Order hi an chhuah ta em ni? tih sawifiah ngei turin MNF sawrkâr kan phut a ni an ti a. Lengpui Airport cheithat hna Kamlova hminga thawh mêk hi titawp a, open tender hmanga a thawktu tur thlang tha turin Mizoram sawrkâr kan phut a ni an ti bawk.
Post a Comment