Aizawl, February 22, 2022 : Kamlova Chhangte chuan a tribal certificate tih tawp tir tumin a document pawimawhte DC hnenah a theh lut tih a sawi.



KR Construction neitu Kamlova Chhangte, Kamrul Laskar Uddin-a tia hriat bawk chuan thuchhuah siamin, a chhungte, a hnam leh a sakhua kalsanin kum 1995-ah khan Mizoram Presbyterian Kohhranah Baptisma a chang tih a sawi a, kum 2002-ah Val Upa leh khawtlang pawmpuinain Mizo Dan angin Mizo hnamah sa a phun tih a sawi a, Khang hun lai khan contractor ni lovin harsa takin bul a tan chho ve a, Mizo khawtlang tana theihtawp leh a phâk tawkin a bei ve thin tih sawiin, tun hnua Contract hna a thawh ve hnu hian Mizo-ah an pawm ta lo va, pawl tam tak leh mimalin an beih rawn ta a. A theninin politics-ah an kailut a, DC-ah meuh tribal a nihna cancel turin lehkah pe an awm hial tih sawiin, DC lam order pawh nghak zo lovin nitin beihna nasa tak a tawk chho tih a sawi.

Kamlova Chhangte chuan, a tribal certificate sut tura nasa taka hmala tu thenkhat, pawl ho pawisa tam tak phutte peka a tribal certificate hum ai chuan, sa a phun laia mahni fa leh mahni hnama lawm luttute zah tak chungin a duhthu ngeiin tih tawp tir a tum tak thu a sawi a, hemi atan hian a voters ID, driving Liscence leh tribal certificate scan copy te DC hnenah a theh lut tawh tih a sawi. 

Post a Comment

Powered by Blogger.