Lunglei, February 10, 2022 : Pu Zodintluanga, MPCC Treasurer chuan CM Pu Zoramthanga chaw ei pui, Abu Mazumdar, vai sumdawng hausa tak, thenkhatin smuggler an tih chungchangah Sorkar chuan insawifiahna thuchhuahin "CM Pu Zoramthanga sawm a ni lo" tih an chhuah a, insawifiah a ngai reng mai hi a buaithlak a ni a ti.
He thu hi nimin khan Congress Bhawan Lungleia tlawh naah sawiin Pu Zodintluanga chuan Mipuiin ngaihdan an nei vek tawh a, eng ang pawhin insawifiah mahse chaw an ei tlang tawh a, he sumdawng pa nen hian kan CM hi inhnaivai tak an ni tih chu a rin theih mai a, insawifiah ngai reng sorkar leh CM hrawn reng hi mipuiin an ning takzet tawh a ni a ti.
Congress Sorkar lai khan he vai sumdawng hausa hian Mizorama buhfai supply a lo dil tawh a, mahse Congress kaihhruai Sorkar khan pektlakah a ngai lo tih sawiin Sorkar nawi tak kan hrawn hi mipuiin an ning tawh a, Congress party-ah beiseina sang tak an nei a ,mipui te beisei ti hlawhtling tur hian kan chetchhuah a ngai a, mipui te beisei tih puitlin hi kan bat a ni tih hriain Congress Party worker te theihtawp chhuah turin a sawm.
Pu Rosiamngheta, AMC Counsellor chuan, Mizoram chuan Chief Minister Bussinessman kan nei a ni a ti a, rem leh rem lo, thianghlim leh hlimlo pawh sawi lova sum tham bawrh bawrh duh te, thenkhat CM Candidate chu zinloh bill la duh ta mai leh insawifiah nan a engmah enlo va hming ziak ta mai te an phochhuak a, Congress party chuan Chief Minister atan Pu Lalsawta an zuar dawn tih sawiin Pu Lalsawta hi sum leh pai a duham ve lo, sum enkawl thiam a ni a, mahni hming ziah dawn a endik hmasa thin mi niin midang aiin tha famkim vek bik lo mahse Chief Minister atan chuan midang pahnih(2) ai chuan a tha lawtlak a ni a ti. Mizoram mipui pawhin kan ram kaihruaitu lu ber atan Pu Lalsawta hi an nghakhlel tawh takzet a ni a ti.
Post a Comment