Aizawl, January 25, 2022 : Mizoram kaltlanga Myanmar atanga kuhva tawlh ruk chungchangah Home Minister bang turin an phut thu ZPM thalaite chuan Aizawl Press Club ah nimin khan thuthar thehdarhtute an hrilh a, tun hnaia buaina ah Home Minister leh Commerce & Industries Minister ten ngawih an chuh tlat mak an tih thu an sawi a ni.



ZPM Thalai Publicity Secretary J.Lalramnghaka chuan kuhva phurh chu titawp tura central sawrkar hnuaia Ministry of Home Affairs-in order a lo chhuah vek tawh hnuah leh, Mizoram sawrkara Home Department-in chu order bawhzuia kuhva phur motor-te lo dang turin kum 2019 December ni 2 ah order a lo chhuah daih tawh laiin, Police Headquarters atanga kuhva phur motor-te tlang tir tura thupek siam a ni chuan MNF sawrkâr hnuaiah dan rorelna leh dikna a awm tawh lo tih a tichiang a ti. 

Post a Comment

Powered by Blogger.