Champhai, January 25, 2022 : Champhai DC sawn lo tura sorkar karna kal zelah nimin khan Champhai NGO Coordination Comt bultumin Champhai mipuiten Champhai Vengsang Biak In tual atanga Bethel kawn thlengin kawng an zawh.



Ruahman lawk angin Sorkara an thil ngiat hi a ti hlawhtling lo anih chuan vawiin atangin Champhaia Sorkar Office zawng zawng khar a ni ang a, January ni 26 ah Total Bandh huaihawtin Republic Day lawmna Boycott an tum a ni. 

Tarlan tawh angin NGO intelkhawm ah hian Champhai Sub. Headquarters YMA chu an inhnukdawk a, nimina lungawilohna lantirnaah pawh tel lovin, an kal zelna tur chu a mimal thil deuh tawh a an hriat avang leh Republic Day kawmserh chu YMA tel vena chi-a an ngaih loh avangin tel zui an tum tawh loh thu an sawi a ni. 

Sub-Headquarters YMA hruaitute chuan central YMA hruaitute hnenah Chief Minister lo dawr tura an ngen ang leh an duhdan an sawi angin bawrhsap insawn hun pawhsei a lo ni tawh a, YMA chu pressure group a nih loh avangin tun hnu a tel zui zel chu an tan a rem lo ni a an hriat thu an sawi a ni. 

Post a Comment

Powered by Blogger.