Lawngtlai, January 27, 2022 : Vawiin, Janaury 27, 2022 khan LADC CEM’s Conference Hall-ah, Pu C. Hrangthianga, Executive Member, Revenue Department, LADC kaihhruainain Mizoram chhunga District Council pathumte; LADC, MADC leh CADC aiawh ten Central Scheme, Survey of Villages Abadi and Mapping with improvised Technology in Village Areas (SVAMITVA) chungchangah inrawnkhawmna leh sawihona an nei.
SVAMITVA hi Ministry of Panchayti Raj hnuaia Scheme pakhat niin, Drone Technology hmanga ram teh leh Map siam a ni dawn a ni. He scheme hmang hian Ram leh a neitute, felfai zawka chhinchiah an ni ang a; chu chuan chhiah pek leh ram chungchanga thu inchuh tam tak pawh a tikiang dawn a ni.
He scheme hi India ram State hrang hrang leh Mizoram chhungah ngei pawh kalpui tum niin, MOU te pawh sign a lo ni tawh a. He scheme chungchangah hian ni Janaury 18, 2022 khan ADC pathum aiawhte hian sawihona an lo nei tawh a, vawiin hian inhmukhawm lehin, Mizoram in MoU a lo sign tawh chu tawmpui mai lovin, District Council-te tana remchang leh tangkai zawk thei tura MoU duan a sign ve turin ruamhmanna siam a ni.
Post a Comment