Aizawl, January 25, 2022 : The Mizoram Liquor (Prohibition) Draft Rules 2020 siam tura committee din Mizoram Liqour Prohibition Rules Drafting Study Committee nimina an Chairman Dy Chief Minister Pu Tawnluia hova thukhawm chuan, Mizorama Grape chingtute thar chhuah atanga Wine siam phal loh ni se tih an rel.
Meeting-ah hian Mizoram Kohhran Hruaitute Committee MKHC aiawh te, Central YMA aiawh te, Mizoram Upa Pawl MUP aiawh te telin Mizoram Liqour Prohibition Rules chungchang hi an sawiho a, hun hmasa lama rawtna an lo neih Hnahlan leh Champhaia vela Grape chingtu tena an thar chhuah atanga Wine siam chu khawtlang leh kohhran inrelbawlna enin a remchang lo nia an hriat avangin MLP Rules-ah Wine siam phalna hi tel loh nise tiin an rel a, Heng an rawtna hrang hrangte hi Chief Minister hovin Council of Minister thukhawm ten an la ngaihtuah leh dawn a ni.
Tarlan tawh angin Mizoram Liqour Prohibition Rules Drafting Study Committee hi an Chairman hovin tum li an thukhawm tawh a, rawtna hmasaa Mizoram Grape Growers Association ten sawrkar a Wine siam chhuah phalna pe turin anlo ngen tawh angin, Wine siamchhuahah hian alcohol zaa 5 vela sanga siam chhuah nise tiin an lo sawi ho tawh bawk a ni.
Nimina Dy CM hova thutkhawmah hian Excise Minister Dr K Beichhua bakah, IPR Minister Pu Lalruatkima te bakah Excise Dept hotute an tel a ni.
Post a Comment