Aizawl, January 25, 2022 : Dr. R. Lalthangliana chuan kum 2023 inthlanah Pathian leh mipui zarah kan sorkar leh ngei dawn a ni a ti.
He thu hi nimina Hnam Runa MNF Party chhung inkhawmnaa a sawi a ni a. MNF Adviser Dr. Lalthangliana chuan, "LADC majority kan lak ngai lohna bial 25 awmah bial 20 ah MNF-in seat kan la a, VC-ah a tirah hneh taka kan tlin hnuin MNF sorkarna a pian belh zel a, tunah chuan 78% chuang Mizoram pumah sorkarna kan siam ta a, Local Council 83-ah 74 MNF-in kan la a, Sinlung Hills Council-ah seat 12 awmnaah MNF leh a thawhpui HPC-ten seat 10 kan la bawk a ni. Nikum kum tawpah AMC inthlanah kan mal tan a, seat 19 awmah seat 10 kan la bawk. Tuirial bial bye election-ah vote sang chuangin hnehna kan chang bawk a, kum 2023 inthlanah Pathian leh mipui zarah kan sorkar leh ngei dawn a ni," a ti bawk.
"SEDP-a kan programme pawimawh tak pakhat chu Health Care hi a ni a. Kan sorkar kum khatna atangin kan kalpui tan a, chhungkaw khat tan cheng nuai hnih kan kalpui mek a, Covid vanga bill la theilo pawh an lak thuai theih nan hma kan la mek a ni. Covid hrileng karah SEDP pawh kan kalpui chho tan dawn mek ta a ni," Health Minister chuan a ti.
Post a Comment