Chawngte, December 18, 2021 : Nizan khan YLA Sub-Hqrs. Chawngte chuan Sub-Hqrs., huamchhunga zirlai tiṭha, C. Vanlalhmachhuani D/o. C. Ngurlianngaia, Chawngte 'P' chawimawina hun a chenna inah hman a ni.
C. Vanlalhmachhuani hi kum 2021, Mizoram University hnuaia Bachelor of Art (Education) result chhuakah 2nd. Rank niin, Pachhunga University College atangin hlawhtlinna hi a chang a ni. Baptist Boarding School Chawngte ah Matric zovin, Govt. Republic Higher Secondary School, Ramthar veng, Aizawl atangin Class -XII a zir chhuak tawh bawk.
He hun hi YLA Sub-Hqrs., President, Pu A. Lalzarliana'n kaihhruaiin, Treasurer Pu H. Thansanga'n hunserh a hmang a, Secretary, Pu J. Thanghleia'n fuihna thu a sawi a, 'mithiam tehna chu, zirsân lam ringawt nilovin, chhawr tlak leh chhawr theiha awmin, Midang tan malsawmna nih theihna hi a ni' a ti a, chutianga hun hmang zel turin duhsakna a hlan a, Asst. Secretary, Pu Omeg Lalramkinlova chuan YLA Sub-Hqrs., Chawngte aiawhin chawimawina thilpek Citation leh Tangka fai a hlan.
YLA Sub-Hqrs., Chawngte hian Sub-Hqrs. huamchhunga zirnaa tiṭha Mizoram Top -10 ni pha chin alo chawimawi tawh ṭhin a, Hrileng avangin hun remchang a awm mai loh avangin YLA Sub-Hqrs. leh Chawngte 'P' Branch Office Bearer ten he hun hi an hmang a, chhungkhat laina hnai ten an ṭawiawm.
Post a Comment