Lawngtlai, December 14, 2021 :  Vawiin December 14, 2021 khan District Volleyball Association, Lawngtlai buatsaih LADC Chairman Volleyball Running Trophy Opening Function, Chawnhu Field-a neih chu Pu VL. Hmuaka, Chairman LADC in khuallian niin a hmanpui. 



Pu VL. Hmuaka, Chairman LADC chuan, thuawihna chu infiamnaah a pawimawh berte zing a mi a nih thu a sawi a, chhawr tlak leh hlawhtlinna dinhmun tak  tak thleng tur chuan zuk leh hmuam ruihtheih thilah kan inthiar fihlim a ngai a, kan hriselna a tana tha lo tur chu kan tlanchhiat san ngam tur a ni, a ti.

Pu VL. Hmuaka chuan, LADC Chairman Volleyball Running Trophy khelh turah hian player ten kan rilru leh thinlung kan  tihthianghlim a ngai a, fans te pawhin á¹­an dan tawk kan thiam ve a ngai thin a ti a. Pu VL. Hmuaka chuan LADC Chairman Volleyball Running Trophy chu thluang tak leh hlim taka khelh a nih theih nan lawm takin a hawng nghal a ni.

He huna tel Pu C. Hrangthianga, EM  (i/c Sports etc) LADC chuan, 'kan Dist chhunga infiammi ten thiamna tak tak leh din hmunsang tak kan thlen theihlohna chhan pakhat chu zirtirtu (Coach) tha kan neih tawk loh vang a ni' a ti a. EM chuan, Lawngtlai District-in Sports lamah hma kan sawn leh zual theih nan District Council pawhin Coach Qualify lak zel a tum dawn a, infiammite chu tun aia nasaa á¹­an la thar leh zual turin a chah bawk a ni.



Chairman LADC Volleyball Running Trophy hi kum tina neih thin niin, Sports & Youth Services Department, LADC in a Sponsore thin a ni.

Post a Comment

Powered by Blogger.