Lawngtlai, December 17, 2021 : Nimin MNF District Hqrs., Lawngtlai chuan an party Exodus Day leh Party Office kharna hun Lawngtlai East Bialtu MLA Pu H. Biakzaua hovin Party Office, Lawngtlai ah an hmang. Pu H. Biakzaua chuan, kum 2022 ah chuan chhungkaw tin thleng phak SEDP sem tan a ni ang a ti.



Pu H. Biakzaua chuan, Exodus Day (kal chhuahna) hi awm lo ni se MNF Party hi a bo ngei ang, a ti a. Pathianin min theihnghilh ngai lova, hun harsa tak kara MNF party min hruaitu Lalpa hian kum 2023 ah pawh kan sawrkar leh ngei dawn a ni, a ti a. Kum 2022 ah chuan chhungkaw tin thleng phak SEDP sem tan a ni ang, a ti bawk.

MLA Pu H. Biakzaua chuan, kum 10 Congress sorkar leh MNF kum 3 sorkar lek hi teha khaikhin chi a ni lo va, congress sorkar lai khan zu zawrh hmanga zu chhiahlak a nasa a, hrileng a awm hek lo; MNF party  chuan kohhran leh NGOs te duhdan takin Zu zawrh a titawp a, hrileng a hmachhawn a, a hrechiang apiangin Vaibelchhia 2000 tel kan hmuh tur central atanga hmu lo chungin kan Chief Minister zahawm tak Pu Zoramthanga hmalakna leh hnathawh hi an fak a ni, a ti.

He huna thusawitu dang Pu V. Zirsanga CEM LADC chuan, tun hnaia Congress party President thar/inruat chu kan Autonomous District Council (ADC) tan thil tha lo tak, ka hriatchian a ni, a ti a. BJP chu party innghahna tlak nilo, MDC pakhat (1) nei lek an ni a, BJP a lungleng tak an la awmlo a ti. ZPM lah nise kalphung thar an ti a, kalphung thar an tih pawh Val-upa Council vel mai mai a ni a, awm ze nei lo, nihna inchuh a buai tawk ve hle party an ni, a ti bawk.

Exodus Day leh Party Office kharna hun hmanah hian, Pu Lalramliana Colney, President chuan MNF party ah Sekulh bialchhung Laitlang khua atangin chhungkaw 17 te a lawmlut a ni.

 

Post a Comment

Powered by Blogger.