Lawngtlai, November 10, 2021 : Vawiin November 10, 2021 khan TKP Nazareth Unit, Lawngtlai Council Veng te chuan an Sunday School Hall-ah Lawngtlai Blood Bank-a dah turin thisen an pe.



Thisen pek hmaah inkhawmna hun tawite hman a ni a, he hun hi VL Malsawma, Secretary, TKP Nazareth Unit-in a kaihruai a, H. Lalruatfela  Vice President, TKP Nazareth Unit-in hunserh a hmang.

Lawngtlai Area TKP Committee Member C. Saizama chuan, thisen leh Kristianna hi inzawm tlat a, chuvang chuan a mamawhte tana thisen pek hi a Kristian zia hle a ni a ti.

AVBD Lawngtlai Secretary VL. Hmangaihzuala chuan, Lawngtlaiah thisen mamawhna a san chhoh zel thu a sawi a, hetiang harsatna kan tawh laia Kohhran Thalai kan che chhuak áš­hin chu a lawmawm hle a ni a ti.

Vawiina thisen pete hi mipa 18 leh hmeichhia 3 niin, thisen hi unit 21 pek a ni. 

Post a Comment

Powered by Blogger.