Lawngtlai, November 10, 2021 : Nimin November 9, 2021 khan Pu C. Hrangthianga EM, Revenue Department chuan Revenue Department Hqrs,. Sub- Hqrs. leh Division-a Officer-te meeting a neih pui a, meeting-ah hian thu pawimawh tak tak an ngaihtuah/sawiho a ni.
Revenue changtu EM Pu C. Hrangthianga chuan, Revenue Department chu LADC sorkar innghahna Department leh pawimawh tak anih avangin inthlahdah ve thei an ni lo tih sawiin, theihtawp chhuaha tan mar reng a ngai tih a sawi a, hemi avang hian Staff-te pawh an hah bik thin hle a ni a ti a. Pu C. Hrangthianga chuan, 'inpumkhatna tha tak nei chungin theih tawp chhuah hram hram tur kan ni a, officer-te pawh inhah thin hle tih ka hria a, theihtawp chhuah zel tur erawh chuan ka beisei che u a ni' a ti.
Nimin meeting-ah hian Revenue Department tana tha tur leh hmalakna tur atana tha tura an hriatte sawiho niin, Pu K. Lalthanzara, Senior Revenue Officer (SRO) chuan, Revenue Department-a Officer-te mawhphurna sanzia leh taimak a ngaihzia thu sawiin, tun thlenga harsatna lutuk awm lova, an kal zel thei chu lawmawm a tih thu leh an inpekna avangin lawmthu a sawi a. Pu K. Lalthanzara chuan, an harsatna tawh pawh a hriatthiam puithu sawiin, 'Revenue Department chuan EM chak tak leh rem hre tak kan neih avangin chak takin bawhzui zel kan tum ang a, Revenue Department chuan hmasawnna ropui tak kan neih leh ngei ka beisei tak zet a ni' a ti bawk.
Nimin meeting-a kalkhawm Officer te chuan an hmachhawp leh an hna thawh dan te, harsatna an tawh te pawh sawi langin, rawtna an neihte pawh an sawi lang bawk a ni.
Post a Comment