Rauthla, November 23, 2021 : Lai Autonomous District Council huam chhunga Mualbu ‘L’ (1 General Seat), Darnamtlang (1 General Seat), Lungpher ‘S’ (1 General Seat) leh Vawmbuk II (Vaivakawn) (1 General Seat)-ah te leh Chakma Autonomous District Council huam chhunga Borapansury-II (6 General & 1 Reserved Seats), Ajasora-II (5 General & 1 Reserved Seats), New Jagnasury-I (1 General Seat), Samuksora (1 General Seat), Parva - IV (5 General & 1 Reserved Seats) leh Kamalanagar - V (2 General & 1 Reserved Seats) ah te hian member boral avangte, member ban leh bang avangte leh Village Council dissolved avang te in Casual Vacancy a awm a. Heng hmun ruak hnawhkhah nan hian Article 243K leh 243ZA of the Constitution of India-in thuneihna a pek angin leh Lai Autonomous District Council leh Chakma Autonomous District Council Village Councisl Rules te’n thuneihna a pek angin, State Election Commission, Mizoram chuan 16th December, 2021 (Ninganni) hian inthlan a buatsaih dawn.
Hemi rual hian heng inthlanna neihna turin a huam chhungah hian Model Code of Conduct puan nghal a ni a. Political party te, candidate te leh public office chelhtute chu By-Election result puan a nih hma chu MCC hian a phuar tawh dawn a. Chutiang chuan state sawrkar, autonomous district council, central sawrkar, state emaw central public sector enterprise te leh LADC leh CADC huamchhunga sawrkar atanga hamthatna hmu statutory body-te chu MCC hian a huam tel dawn bawk a ni.
Deputy Commissioner, Lawngtlai District chu District Election Officer atan ruat a ni a, Addl. DC, Lawngtlai District pawh Assistant District Election Officer atan ruat a ni. Returning Officer, Asst. Returning Officer, Presiding Officer leh Polling Officer atan hian Sawrkar hnathawk, mi rintlak tak takte ruat an ni bawk.
He By-Election ah hian Ballot Box leh Ballot Paper hman tur a ni anga. Inthlan neih tur hi General Seat-ah Ballot Paper var (white) hman tur a ni anga, Reserved Seat-ah Ballot Paper senno (pink) hman tur a ni ang.
VC by-election hriattirna hi nimin khan tihchhuah a ni a, November 29, 2021 thleng nomination file theihna hun hawn a ni a, November 30, 2021 ah nomination endik a ni ang a, December 2, 2021 thleng candidate hi an inhnukdawk thei ang. December 16, 2021 ah inthlanna neih a ni ang a, hemi ni vek hian vote tlate chhiar nghal a ni ang.
Post a Comment