Rauthla, November 23, 2021 : Manchester Evening News tarlan danin English Premier League club talbuai mek leh manager nei lova awm mek Manchester United chuan PSG forward Neymar chu lakluh an tum dawn.
Season hmasa khan EPL ah Manchester United hi pahnihna an ni a, an che chhe hran lo. Amaherawhchu tun season kalmekah table-ah 8-na an ni mek a, EPL vawi 12 an khelh tawhah vawi 5 chiah hnehna an chang. Super star rual, Cristaino Ronaldo, Jadon Sancho, Marcus Rashford, Bruno Fernandes, Paul Pogba leh Harry Maguire te nei mahse club tenau Watford lakah an mualpho chhunzawm avangin dinhmun derthawnga awm mek Ole Gunner Solskjaer chu an ban ta nge nge a, tunah hian manager nghet nei lovin an awm mek a ni.
Heng an buaina sukiang tur hian Manchester United hian Brazilian star hi lak an duh niin Manchester Evening News chuan a tarlang a, sum pawh sen hnem an inhuam hle. Kum 29 mi Neymar hian kum 2017 khan PSG hi a zawm a, France club tan hian vawi 128 inlan tawhin, goal 90 a thun tawh a, assist vawi 55 a nei tawh bawk a ni.
Post a Comment