Rauthla, November 06, 2021 : Nimin November 5, 2021 chawhnu dar 1:45 khan Pu Saitlawma Sailo Ex MLA chu Aizawl Hospital, Khatla-ah a boral. Pu Saitlawma Sailo hi Mizoram UT nih hnua MLA inthlan hmasa berah khan S. Vanlaiphai Assembly constituency ațanga Mizo Union Party ticket a MLA atan thlan tlin a ni.



Pu Saitlawma Sailo ruang hi Bungkawn Vengah chawlhpui a ni a, hetah hian amah thlahna hun tawi te hman a ni a. FLAM (Former Legislative Assembly Members) aiawhin Prof JV Hluna chuan amah thlahna pangpar a dah a. A  thlahna thu tawi sawiin "Pu Saitlawma Sailo hi mi dik Pathian a tak ngeia È›ih tlat a nih bakah mi tumruh, beidawng mai mai lo, mi dik tak leh inngaitlawm tak, mi entawntlak a ni a, lehkha a zir chhoh dan te hi Mizoram chhim bial mai ni lo, ram pum È›halaite tan meichher chhitu a ni. Headmaster a nihna school leh private school a fate nen  Lungleia an din te chu zirlai tam tak chher chhuaktu a ni," a ti.

Pu Saitlawma Sailo ruang hi nimin chawhnu khan Lunglei panpui a ni a. Vawiin dar 12:00 hian a chenna in Theiriat ah vui a ni ang a, Theiriat thlanmualah phum a ni ang.


PIAN LEH MURNA

Pu Saitlawma Sailo hi Pu Zakhuma leh Pi Zachani te fa 8 zinga upa ber dawttu a ni a. 16th June, 1940 khan Bualte khuaah a piang a, a unau 3 dang te hian chatuan ram an pan tawh a, amah hian a zui ve leh ta a ni.


NUPUI FANAU 

Pu Saitlawma Sailo hi Pi Hrangtawni nen kum 1967 khan Bualte khuaah Pastor Vailinga kutah an innei a. Fanu 2 leh fapa 2 an nei a, tu 17 an nei bawk a. A fate pawh zirna lama hlawhtling tak vek an ni. 


ZIRNA LAM

Pu Saitlawma Sailo hian an khua Bualte-ah Primary school ( Class 3) kum 1953 khan azo a,  a kum leh 1954 hian Middle School (Class IV) zir turin Èšawipui khuaah a va zawm ve zawk a. Chhungte tel loa awm hrang ngai lo a nih avangin a lung a leng thei hle a, zirna pawh chhunzawm hlei thei lovin an khua Bualte lamah chuan a kir leh ta a. Ram È›angin hlo te an thlo ve phawt a. Zirna chhunzawm a duh avangin private in Class 6 chu a exam ve leh ta a. Mizoram chhim bialah pakhatna a ni ta nghe nghe a ni. High School hi Lunglei ah a kal a, kum 1966 March thlaa Assam Board in Matric exam tura a ruat chu rambuai avangin May thlaah exam a ni a, 2nd division ah a zo a ni. Rambuai avangin Theiriat Lungleiah an pem a, lehkha te private a zir chhunzawm lehin kum 1970 khan Lunglei College aÈ›angin BA Distinction ah a zo a, Lunglei College aÈ›anga  BA Distinction a passed hmasa ber a ni. 


EIZAWNNA & POLITICS 

Kum 1969-71 chhung khan Jawaharlal Nehru Memorial M/S Chanmari - I ah Headmaster hna a thawk a. Heta È›ang hian politics ah a lut a. Mizo Union (a hnu lama merger Congress) aÈ›angin South Vanlaiphai Constituency (a hnu lama Èšawipui Constituency) MLA candidate niin thlan tlin a ni a. Kum 1972- 77 chhung MLA a ni a. MLA anih chhung hian Assembly Committee peng hrang hrangah chanvo pawimawh tak tak a chelh a, rorel taima tak leh ngaihtuahna hmang nasa tak a ni. MLA anih laiin Demagri hming hi  Tlabung tiin a thlak a, tun thlengin a pu hlen ta a ni. 


ZIRNA LAMAH BAWK

MLA anih loh hnu thla tam  pawh a la vei hmain khawtlang hruaitute chuan Theiriat Private High School a Headmaster hna thawk turin an sawm a. Khawtlang hruaitute sawmna chu zahin an sawmna  chu a ti hlawhtling a. Headmaster hna hi March 1978 - June 2002 chhung a thawk a. Promotion hmuin GHSS Hnahthial ah Principal in June 7, 2002 - September 4, 2005 thleng a awm a, hemi hnu hian GHSS Lunglei ah kum 2008 a pension thleng khan Principal hna a chelh a ni. Mahni invawng leh inthunun thei tak a ni a, English leh Mathematics hi a thiamin nuam a tih zawng tak a ni. Zirna kawng chhuk chho tak a zawh tawh avangin naupang rethei leh harsate hriatthiamna thuk tak a nei bawk. 


RAWNGBAWLNA

A lawina Baptist Church of Mizoram a ni a, a phak tawka inhmang leh rawngbawlna ngai pawimawh mi a ni. BCM upa nemngheh a ni a. Rawngbawlna leh chanvo pawimawh tak tak a chelh tawh bawk. Vawiin November 5, 2021 chawhnu dar 1:45 khan Pu Saitlawma Sailo Ex MLA chu Aizawl Hospital, Khatla-ah a boral. Pu Saitlawma Sailo hi Mizoram UT nih hnua MLA inthlan hmasa berah khan S. Vanlaiphai Assembly constituency ațanga Mizo Union Party ticket a MLA atan thlan tlin a ni.

Post a Comment

Powered by Blogger.