Lunglei, November 04, 2021 : YMA Sub Hqrs Lunglei kaihhruaina hnuaia Tlawmngai ngai pawl hrang hrang in tel khawmte chuan Lungleia RT PCR khawl bun a nih theih na tur an hmalak mekna chungchangah vawiin khan Lungleia thuthar thehdarhtute an kawm a, RT PCR Laboratory in a mamawh bungraw dang (Equipments) leina tur cheng Nuai 30, Finance Deptt in a release tih vawiinah an hriattir thu Press Meet kaihhruaitu YMA Sub Hqrs Lunglei Vice President Pu. K. Lalfakzuala chuan a sawi a, November ni 2 a YMA Sub Hqrs Lunglei President in sorkar thuneitute a biak pawh lai chuan Finance Deptt ah hian ala tang niin a sawi.
RT PCR khawl bun tura hma an lak mek naah sorkar atangin thulawmawm awm lo ta se a tawp in thleng ngam angem tih zawhna chhangin Pu K. Lalfakzuala chuan NGO anga an kal a ngaih thu a sawi a, vawiina NGO aiawh kalkhawm in thu tawp an siam theih loh thu leh an “action plan” zinga pawimawh em em chu Inrinni a committee lian zawkin ngaihtuahna a hman tur niin chu chu an kalphung a ni tih a sawi.
Post a Comment