Lawngtlai, November 29, 2021 : Inrinni khan Excise & Narcotics Department, Lawngtlai leh Food & Drugs Administration, Lawngtlai tangkawp chuan Lawngtlai khawpui chhunga Damdawi dawr hrang hrangte endikna an nei.
Inrinnia damdawi dawr an endiknaah hian Damdawi dawr thenkhatah an Drugs License in a huam bak damdawi kawl an awm nual tih hmuhchhuah a ni a, heng damdawi te hi dân lova hralh a nasat thu leh ruih nana hmang sual an awm thin thu Excise & Narcotics Department, Lawngtlai leh Food & Drugs Administration, Lawngtlai te chuan an sawi. Heng dan lo a damdawi zuar an hmuhchhuahte hi an damdawite man sak an ni a, vawiin lam hian a zuartute hi thuneitute hnenah inlan tura tih an ni.
Lawngtlai khawpuiah damdawi hman sual a zia awm theih nan Damdawi dawr neitute chu dân dik taka an damdawi zawrh kalpui tura an ngen bakah khauh zawka hmalak chhoh zel an tum thu an sawi a, a tul a nih chuan ND&PS Act1985 hnuaiah booking an la tih hial tur thu an sawi. ND&PS Act hnuaiah book an nih chuan damdawi neitute hi Excise lamah dahin Court case siamsak a, jail thlenga tan theihnaa hrem theih an ni.
Tun dinhmunah chuan heng dan lova damdawi zuartute hi Drug & Food Administration lam kutah hlan rih zel a ni a, warning emaw license cancel emaw te a hmalak rih a ni.
Post a Comment