Lawngtlai, October 28, 2021 : Lawngtlai Superintendent of Police, Pu DKS Singh, IPS chuan vawiin October 28, 2021 khan Govt. of Mizoram Notification No. B.12021/10/2004-TRP, Dt.01.06.2020 leh The Motor Vehicles Act 1988 (Act No. 59 of 1988) Section 115 in thuneihna a pek angin, Lawngtlai Chandmary huam chhung, National Highway-a lirthei dah dan turah thupek a chhuah.
Thupeka tarlan a nih danin, Lawngtlai Chandmary huamchhung National highway, Office kal huna lirthei tlan a lo zangkhai zawk theih nan leh mipui veivak te an lo him leh zual theih nan JJ School gate bul, Chandmary atanga Chawngte peng traffic point (PK Chinzah point) in karah heng a hnuaia hun tarlan ah hian kawng chhak leh kawng thlangah eng lirthei chi mah hung (park) phal a ni lo.
Lirthei Park (dah) theih loh hun (Monday to Friday)
Zing dar 8:30am - 10:30am
Tlai dar 3:00pm - 5:00pm
He thupek hian sorkar chawlhni (Govt. Holiday) te a huam lo ang a, thupek zawm lote chu Section 179, The Motor Vehicle Act, 1988 hmanga hrem an ni ang.
Post a Comment