Lawngtlai, October 23, 2021 : LADC a Land Revenue & Settlement Department chuan Lawngtlai khawpui chhunga dawrkaite endik hna chu October 20, 2021 atang khan an thawk tan a, October 29, 2021 thleng dawrkai endik hna hi an thawk ang.
Dawrkai endik hna hi Market Inspector ten an thawk a, Dealer License, Retail License, Work Permit leh item zawrh phal chin te an dendik mek.
Land Revenue & Settlement Department -a Market Inspector te hnen atanga thu dawn danin, Lawngtlai khawpui chhunga dawrte kai zingah license nei lova dawr hawng an awm a, hei hi dan phal loh a nih angin heng dawrkaite hi an dawr khar tura thupek an ni a. Tun dinhmunah mi pahnihte chu dawr khar tura hriattir an ni tawh. Hei bakah hian license tibo leh license renew lo thahnem tak an awm tih hmuhchhuah a ni bawk a, heng ho hi inspection neih chhunga renew turin hun an pe. Mahni license-ina a huam loh item dang zuar dawrkaite zingah hmuhchhuah a ni bawk a, heng zingah hian ar chaw zuar an tam hle. Work permit thi tam tak a awm tih hmuchhuah a ni bawk a. Tin, hnam dang license hawh tir (sublet) an awm thu leh mahni license hmang lo, midang hawh tir pawh an awm tih thu dawn a ni bawk.
Heng an report hrang hrangte hi dawrkaite endik an zawh hunah thuneitu sang zawkte hnenah thehluh a ni ang a, thil fel lo hmuhchhuahte lakah action lak a ni ang tih Market Inspector te chuan an sawi bawk.
Post a Comment