Sangau, September 18, 2021 : Young Lai Association, Sub-Hqrs. Sangau chuan vawiin September 18, 2021 khan thuchhuah siamin Myanmar buai avanga kan unau Chin hnam hrang hrang, tawmhulna pawh nei lova hmun hrang hranga tlanchhe mek te tan an huam chhunga awm turin an tan kawng an hawn reng thu an sawi.
Young Lai Association, Sub-Hqrs. Sangau chuan Myanmar atanga raltlante tan hian an awmna tur pawh an ruahman fel vek tawh thu an sawi a, an lungngaihnate, an mittui tlaknate chu an lungngaihna leh mittui tlakna a ni tih sawiin, engtik lai pawha an huamchhungah lo cheng turin kawng an hawng tih an sawi nawn a. Lairamah an tan hmunawl a tam thu leh an zingah lo cheng turin an sawm bawk a ni.
Young Lai Association, Sub-Hqrs. Sangau tarlan danin Young Lai Association, Sub-Hqrs. Sangau huam chhungah hian khaw 13; Sangau I,II,III&IV, Pangkhua, Sentetfiang, Thaltlang, Cheural, Lugtian I, Lungtian II, Vartek, Vartekkai a awm a, tunah hian heng an area huam chhungah hian raltlan mi 700 chuang an lut tawh a, lo lut leh zel tur tan pawh hmun a la awm a, an huam chhung rawn pan zel turin Myanmar-a kan unaute Young Lai Association, Sub-Hqrs. Sangau chuan an sawm a ni.
Post a Comment