Sangau, September 23, 2021 : Vawiin khan YLA Sangau II Branch huaihawtin Sangau Sub-Divivion huam chhung tan YLA Day vawi 47-na hman a ni.



Vawiina Sangau a YLA Day hmanna programme YLA Sangau II Branch President Pu F. Ramdinthara'n a kaihruai a, Nl. Biakhleipar a zai bawk.


Khuallian Sangau West bialtu MDC Pu K. Hrekung chuan, YLA Flag a pawtparh a, Pu K. Hrekung chuan, Sangau khua chu India rama Lai ṭawng hmang tamna khua lian ber a nih thu a sawi a, thang thar ten mahni hnam ṭawng kan hman tam a, kan hman theih zel a tul a ni a ti. Khuallian chuan, Myanmar ram buai avanga harsatna tawk mekte tanpui zel turin YLA te a chah bawk. 


Khuallian Pu K. Hrekung chuan YLA Sangau II Branch te hnenah ₹.5,000 a pe a, Rev. Chung Biak Hum, Myanmar sipai ten an kahhlum tak nupui, tuna Bungtlang, Myanmar a awm chu ₹. 3,000 a thawn a, Ralvawn Chess Club te hnenah Chess set pathum a pe bawk. 


Vawiina YLA Day hmannaah hian khawtlang hruaitute, YLA Founfer Pu F. Lalhulha te, YLA Sub-Hqrs. Sangau hruaitu te an tel a, YLA Sub-Hqrs. Sangau President Pu V. Lalduhthiama'n thu a sawi bawk.


Vawiin vek khan Pu K. Hrekung chuan a MDC Fund hmanga sak  YLA Sangau II Meeting Hall chu a hawng bawk.  

Post a Comment

Powered by Blogger.