Bualpui NG, September 22, 2021 :  Vawiin September 22, 2021 khan Lawngtlai East Bialtu MLA & Vice Chairman, Agriculture Development Board- Pu H. Biakzaua chuan Bualpui (NG) Village Council hnenah mipuite'n  an hman turin Ambulance thar a hlan/pe.

Ambulance hlanna hun tawi buatsaih hi Bualpui NG - I Community Hall-ah neih niin, Bualpui(NG) Joint VC Chairman - Pi. Laltlanmawii hnenah Bualpui (Ng) khua leh a chhehvel mipui ten ṭangkai taka an hman atan Ambulance chahbi leh Documents pawimawhte a hlan a ni.

MLA Pu H. Biakzaua chuan, ramin harsatna hrang hrang a tawh laiin, Phawngpui tlang leh a chhehvel khaw hrang a VLTF, VC, leh NGO hrang hrangte thawhhona chu fakin, lawmawm a tih thu a sawi a, khaw hrang hranga khawtlang mipuite leh khawtlang hruaitu ten Raltlante lo chhawmdawlna kawnga theihtawp chhuah a, tanpui an ngaihna zawna tanpui zel turin khawtlang mipuite chu a sawm nghal bawk.

Vawiin Ambulance hlannaah hian Covid-19 leh Raltlan chungchanga a tul ang apianga hman atan pawisa leh Silpouline a pe a, Bualpui (Ng) PHC ah PPE set sawm (10) a pe bawk.

Lawngtlai East MLA  hi LADC a Executive Member (Edu. -PS) - Pu L. Daniala'n a tawiawm a ni. MLA Pu H. Biakzaua chungah Bualpui (NG) Joint Village Council- te an lawm hle a ni.

Post a Comment

Powered by Blogger.