Pangkhua September 16, 2021 : Myanmar buaina avanga an ram lama awm ngam lo, Mizoram lama rawn raltlan kan unau Myanmar mipuite tan Pangkhua mipuite chuan luanchhuahna nei zelin nimin Dt. 15 Sept 2021 ah khan Young Lai Association Pangkhua Branch bultumin, raltlante ei tur lo pekna tur bukte sualin Pangkhua YLA members ten hnatlang an lo thawk tawh bawk.
Hemi bakah hian, tunah hian Pangkhua khawchhungah Raltlan mi 120 vel awmin, heng ho mutbu tur leh, lo thlen belhte mutbu tur chu Refugee Monitoring bultumin khawchungah khawnna neih a ni tawh bawk.
Raltlante te hian Myanmar Pawisa deuh hlir an lo ken țhin avangin, India Pawisa a thlengna lamah harsatna an tawh țhin a, hetia pawisa current exchange lama harsatna an tawh takah chuan, Pangkhua mipuite chuan heng Raltlante Covid-19 Test na tur Pawisa hi an thawhkhawm sak hlawm bawk a ni.
Raltlante hi Chhimtuipui kana lo kal an nih țhin avangin, Lawngleng hmanga in thiar chhoh țhin a ni a, he an in thiar chhoh nan hian Pu. Hmunsanga leh Pu. Bawicunga, Pangkhua te chuan Raltlante tan hian a thlawn liau liauin an Lawng te hi an Donate nghe nghe a ni.
Pangkhua khawthlang te hian vawiin Dt. 16 Sept, 2021 ah hian Raltlante chawlh lailawkna Chhimtuipui Saisihchuah ah Chawlhbuk sak hnatlang an nei bawk a ni.
Pangkhua hi Lawngtlai District, Sangau RD Block huam chhunga awm niin, tunah hian In 300 vel an ni.
Post a Comment