Lawngtlai 13.09.2021: National Women Commission team chuan nimin khan Mumbai-ah hmeichhe pakhat kum 34 mi, rawng tak maia pawngsual tawk chhungte an tlawh a, hmeichhia pawngsual a nihna leh a hliam enkawlna damdawi in an tlawh bawk.
Kum 34 mi hmeichhia chu motor (tempo) ding lai chhunghah zirtawpni zing takah khan mi pakhatin rawng tak maia pawngsualin, iron rode hmangin a serhte a chhunsak a, inrinni zingah khan a boral a ni.
He thil thleng hian kum 2012-a Delhi-a thil thleng, hmeichhe pakhat Para Medical students, bus tlan lai chhunga pawngsual a, paihthlak, a hnua thi ta nena inanna a nei a ni. He thil thlengah hian kum 45 mi, rinhlelh chu thil thlen atanga rei vak loah man a ni.
NWC team mi pali chuan Sakinaka hmuna hmeichhe pawngsual chhungte an tlawh a, chumi hnuah pawngsualna hmunah an kal a, Sakinaka Police station pawh an tlawh a, darkar 36 thi chhawnga a awm a, enkawkna Rajawadi Hospital leh Maharashtra Police lalber Director General of Police (DGP) office pawh an tlawh bawk. Rinhlelh man chu Mohan Chouhan (45) chu Uttar Pradesh Jaunpur mi, driver a ni a, helai vela kawngsir (pavement)-a riak thin a ni.
Mumbai khaw daifem a, kum 34 mi hmeichhia, pawngsual leh a zahmawha iron rod hmanga nasa taka kut thlak chu inrinni zing khan damdawi inah a boral. Hmeichhia chu a zahmawhah naa taka sawisak a niin thisen tam tak a hloh a, thi chhawnga awmin zirtawpni zing atang khan Rajawadi Hospital-ah enkawl a ni a, official pakhat chuan inrinni zingah khan a boral ta a ni a ti.
Pawngsualtu chuan a pawngsual bakah iron rod leh chemte hmangin hmneichhia chu kut a thlak a ni. Zirtawpni zing takah khan Police-te chuan Sakinaka Khairani Road-ah mi pakhatin nasa taka hmeichhia a sawisak thu call an dawng a, Police-te a hmun an thlen chuan hmeichhia chu thisen nen lo awm nuaiin, damdawi inah an la ta a ni.
Police-te thil chhuia a lan danin mi pakhat chuan kawngsira motor (tempo) chhungah hmeichhia pawnsualin, rawng takin iron rode hmangin a serhah te a chhunsak a ni. Motorah chuan thisen te pawh hmuh a ni bawk a. CCTV atangin Police chuan mi pakhat motor atanga tlan chhuak chu an ringhlel ta a ni. Tichuan Police chuan mipakhat Mohan Couhan, 45 an man a, thubuai an siamsak nghal.
Maharashtra Chief Minister Uddhav Thackeray chuan he thil thleng rapthlak tak hi mihring laka thil sual rapthlak tak (blot on humanity) a ni tiin he thubuai hi chak taka ngaihtuah a ni ang a ti a, thil tisualtu chu nataka hrem a ni ang a ti. Hmeichhia, rawng taka kut thlak ttuartu chuan rorelna dik a hmu ang a ti
Post a Comment