Lawngtlai, September 28, 2021 : Lawngtlai East bialtu MLA Pu H. Biakzaua chuan, ‘mi mangangte tanpui leh buaipui turin MNF party hi Pathian in min ruat a ni’ a ti.
He thu hi nimin MNF District Hqrs. Lawngtlai ten Hnam Runa Party inkhawm an neih a telpuinaa a sawi a ni.
Pu H.Biakzaua MLA chuan, Tun tumah hian hrileng avangin bial mipuite’n harsatna tam tak an tawk ani tih hriain bial mipuite a rawn tlawh thu a sawi a. Tin, Sangau RD block lamah Ambulance te an mamawhnate hria in, registration te tih fel vek hnu-ah Sangau leh Bualpui (Ng) Joint Village Council-te hnenah a hlan thusawiin, Bualpui (Ng) a mi phei chu a khalh tu tur pawh Pu L. Daniel-a Executive Member, LADC in a tum tur thu a sawi lang bawk, a ni.
Tin, hemi bakah hian kan ram thenawmah kan unaute’n harsatna tawk eng emaw zat an awm a. Kan District ah Myanmar sipai hlau a rawn tlan te an dinhmun enpui a, an harsatna te hriatpui a, theih ang ang chhawmdawl leh tanpui zel dan tur te ngaihtuah in Myanmar raltlan te tlawh tul a tih avanga lo kal a nih thu a sawi a. Tun tumah pawh hian raltlan te hnenah hian tanpui a hlan bawk a ni.
Pu H. Biakzaua MLA chuan, ‘tunlai hian Sixth Schedule Admendment sawi a tam a, chumi chu thlir a District Council kalphung pawh tihdanglam theih tura ngai mi tam tak an awm a. Tin, thenkhat chuan MNF party ten thuneihna sang zawk neih duh lo ang hial te pawhin min chhuah a ni. A nihna takah chuan District Council hian Sixth Schedule Admendment hi nei ila tih hi kan duh vek a. Mahse, hei hian Direct Finance hi a awm chuang lo tih hi kan hriat a ngai hle a ni, a ti. Chumi anih rual chuan kan Counci hi tih danglam theihna tur kawng pakhatmah a awm lo va. Tunah hian MNF party ten Member of District Council 20 leh Independent MDC pahnih te’n MNF Legislature an lo thlawp bawk a. MDC 22 kan nei tawh a, a danglam thei lo ani tih te pawh hi party mite’n kan hriat chian a ngai hle a ni" a ti bawk.
Party inkhawmah hian Pu Lalramliana Colney, Dist. Hqrs., President chuan thusawiin, ‘Hrileng avangin buaina hrang hrang kan tawk a, chumai chu ni lovin kan ram thenawm buaina avangin Myanmar raltlan eng emaw zat kan District ah an lo lut a. Chung kan harsatna hrang hrangte chu kan MLA hian hria in, vawi tam tak min lo tlawh thei chu lawmawm hle a. Myanmar raltlan te pawh hi a party ang pawhin an harsatna sutkian anih theihna tur leh tanpui an ngaihna zawn ah tanpui kan inpeih reng a ni’ a ti bawk.
Post a Comment