Lawngtlai, September 26, 2021 : Vawiin September 26, 2021 hian CYLA te hruainain Saikah Upper-a Raltlante dinhmun enin Myanmar MP 6 te leh MZP te kan kal a, he hunah hian Lawngtlai East bialtu MLA Pu H. Biakzauva pawh a kal bawk.



Lawngtlai East Bialtu MLA Pu H. Biakzaua chuan, Raltlan naupang ten zirna tha taka an chhunzawm theih nan Sorkar in hma a la mek a, Covid-19 Vaccine pawh an la vek dawn a ni a ti a. MLA chuan, 'Raltlan a lo kalte thlamuang tak leh hlim takin awm u la, in mamawh leh tul apiang te YLA kaltlangin kan ngaihtuah ho zel ang' a ti bawk.


MLA Pu H. Biakzauva chuan Raltlante chhawmdawlna atan ₹. 5,000/- YLA Saikah Upper Branch te hnenah a pe a. Myanmar MP te pawhin YLA Saikah Upper Branch te hnenah hian ₹.5,000 an hlan bawk.


Myanmar ram atanga lo kal MP 6 te hi Pi Lalrinmuani, Chin Affairs Minister Myanmar-in alo ho a ni. 


Tin, vawiin vek khan Circuit House, Lawngtlaiah CYLA chuan Myanmar MP lo kal te pualin zanriah an buatsaih a. He hunah hian LADC CEM Pu V. Zirsanga leh a thawhpui EM te pawh an tel a, Pu. H. Biakzauva, MLA pawh a tel bawk. CYLA chuan Myanmar Raltlante hi ngaihhruihna thilpek an hlan theuh bawk a ni.



Pu V. Zirsanga CEM, LADC in thusawiin, thinlunga kan in unauna leh kan inzawmna hi Boundary hian min dang suh se a ti a. 'Harsatna leh manganna kan tawk anih pawhin kan tih theih chin zelah theih tawp kan chhuah zel ang a, thinlunga kan in unauna hi Boundary hian áš­hen suh se' a ti bawk. CEM chuan, 'harsatna kar pawh Unau kan nih angin kan ding ho zel ang a, kan tih theih a tam lo anih pawhin kan phak ang tawkin kan bei ho zel ang' a ti a. CEM chuan, kan tu leh fa ten khawvel tha zawk an neih theih nan tuna Myanmar buaina bei lettu  zawng zawng ten engmah in dal tir lova, huaisen taka kal zel turin MP lo kal te chu a chah bawk.


Vawiina Myanmar MP puala hun hmannaah hian LIKBK atangin Rev V. Suikharliana a tel a. Myanmar MP lo kalte hi an vaiin mi 5 niin MLA 1 a lo tel bawk a, Aizawl atangin MZP Vice President Pu Petera hovin MZP hruaitute an lo kal bawk.

Post a Comment

Powered by Blogger.