Mampui, September 29, 2021 : YLA Mampui Branch chuan thuchhuah siamin, Mampui hmuna Lai Typical Village tlawh tum ten mahni thua kal tawp lovin YLA Mampui Branch te hrilh hmasa ṭhin turin an duh tih an sawi.
YLA Mampui Branch chuan tunlai hian Lai Typical Village tlawhtu an tam tih an sawi a, he hmunah hian Pangpar huante siam a ni a, thing ṭiak nasa taka phun a ni bawk a, thei rah leh thlai tam tak a awm bawk a, hei hi Lai Typical Village tlawhtute hian dim lo taka khawih an awm tih an sawi a. Hei hi tih tawh loh nise tih YLA Mampui Branch chuan thuchhuah siamin an tarlang.
Tin, ei leh inna paih/seng ṭha lo, awmna hmuna paih mai, sulhnu chhui ngai a tam tih sawiin, he hmun tlawhtute chu sulhnu chhui ngaia lo che turin an ngen bawk.
Lai Typical Village hi Mampui hmuna awm a nih avangin YLA Mampui Branch te hian a venhim hna leh a enkawl hna hi an thawk mek a, harsatna a awm loh nan leh a tlawh leh turte a hmuna awm dan tur kawhhmuh zel kan nih theih nan YLA Mampui Branch hruaitute hi biak hmasak tur a ni.
Lai Typical Village tlawh turte chuan a hnuaia phone number ah hian biak hmasak tur a ni.
9366411181
8974134136
Post a Comment