Sentetfiang, September 29, 2021 : Vawiin September 29, 2021 chaw hnu dar 2:45pm khan Pu V. Zirsanga, CEM LADC leh a thiante chuan Sentetfiang khawtlang tlawhin, Sentetfiang hian khawtlang huapin an lo hmuak.
He hunah hian Pu V. Zirsanga CEM leh a nupui Pi F. Siamthangpuii te, Executive Member (P/S) - Pu L. Daniala -te chawimawina pangpar an hlan a, CEM lawmna atan Cherawkan (Rokhatthlak ) & Hlado chhamna te pawh neiin, ropui taka lo lawm a ni.
Vawiina CEM leh a thawhpuite chawimawina hun tawi hmannaah hian Pu V. Zirsanga CEM chuan thusawiin, Sentetfiang khawtlang, In 70 vel awmnain tun thlenga Middle School an la nei lo chu veiawm a tih thu leh bialtu MDC kaltlangin sum awmdante en chungin Middle School a awm theih nan kawng dapsak an ni ang a ti.
Pu V. Zirsanga chuan, bialtu MDC Pu JB Vanhoy, mi fel leh mi tha tak mai an neih thu te, hetiang mi thlanna chang hria Sentetfiang mipuite chungah lawmthu a sawi a. CEM chuan, 'ka dawhkan hi a dawhkan a ni ve tho' a ti bawk. CEM chuan, raltlan kan unaute puala rawn zin a nih thu sawiin, raltlante chu inthlahrung lo turin leh ril ṭama an awm a phal loh thu a sawi a, raltlante pawh Sentetfiang khawtlang kan bel tawh a nih chuan, rinawm leh fel takin, a neitu nih chang thiama an khawsak a duh thu a sawi bawk, a ni.
He hunah hian Pu V. Zirsanga CEM hi a nupui Pi F. Siamthangpuii, pute- Pu L. Daniala EM, Pu JB Vanhoy EM, Pu BN Thangpuia EM te leh MNF Dist. Hqrs., Lawngtlai atangin General Secretary Pu Kapchungnunga, Pu H. Lalhmingmawia, leh Pu FCVanlalzawna Secretary te, LADC Official te leh MNYF Lawngtlai Eastern Block-I hruaitute, Sangau Veng hrang hranga Unit leh party mi engemawzatin an tawiawm a ni.
Post a Comment