Lawngtlai 13.09.2021 : President Ram Nath Kovind chuan Constitution duh dan (ideals) thlen a nih theih nan court hmanga rorelna (judiciary)ah hmeichhiate an pun zel a pawimawh a ni a ti.
Inrinni khan Allahabad-a National Law University din tur lungphum a phumna leh Allahabad High Court building thar a hawnnaah President chuan thla hluia Supreme Court-a judge pakua an zinga hmeichhe pathum ruat chuan history a siam a ni a ti.
President chuan Supreme Court-a judge 33 awm meka hmeichhia judge pali an awm ta chu judiciary history-a tam ber a ni a ti a, hei hian India ram court sang bera hmeichhia Chief Justice of India an nihna tur kawng a sial (pave) a ni a ti.
August thlaa Supreme Court Judge pakua ruat a, hmeichhia pathum telte zingah hmeichhia Judge, JusticeB.V.Nagarathna chu kum 2017-ah hmeichhia Chief Justice of India hmasa ber a ni dawn a ni.President chuan kawng tin reng (all areas)ah chung zingah chuan judiciaryah pawh hmeichhia telte an pun hunah society dik din theih a ni chauh dawn a ni a ti a. Mahse, Supreme Court judge-a hmeichhe awm zat chu zaah 12 chauh a la ni a ti.
President chuan Constitution duh dan anga huapzo tur chuan judiciaryah hmeichhiate an pun a ngai a ni a ti a. Allahabad-ah chuan kum 1921 khan hmeichhe lawyer hmasa ber chu Cornelia Sobrabji a ni a, kha thutlukna kha hmeichhiate thuneia siamna atana hma lam thlirna thutlukna a ni a ti
Post a Comment