Lawngtlai 04.Sept.2021 : Allahabad High Court chuan Nilaini khan bawng chu India National Animal tan puan a duh thu sawiin, Hindu-te funda- mental right venhimna tur a ni, a ti.
Justice Shekhar Yadav chuan bawng rual leh talha puh bail dilna a hnawlsak hnuah he thu hi a sawi a ni. Bawng ru leh talha an puh hi Prevention of Cow Slaughter Act hnuaiah thubuai siamsak a ni.
Judge chuan bawng humhalh chu sakhaw pakhat thil tih tur chauh a ni lo tiin, "Bawng hi India hnamzia, culture pawimawh tak a ni a, eng sakhua pawh ni ila kan culture venhim hi kan tih tur a ni," a ti. Bawng sa ei phalna chu fundamental right a ni thei lo tih sawiin, India ram chu bawng zahna lantir a, bawng dahna hmun enkawltute a sawisel ngam hunah a dingchang thei chauh ang, a ti.
Sorkarin bawng in, gaushala a siama bawng dahte chu a enkawltute chuan an enkawl tha lo hle a ni tiin, private-a bawng enkawlna hmun siamte chu a sawisel. Sorkar hnen atanga bawng enkawlna tura an sum dawnte chuan mimal thilah hmangin, bawng chu an ngaihsak tak tak lo niin a sawi.
Yadav chuan sorkar chu bawng sawisa leh tina thinte hremna tur dan khauh tak siam turin a ngen bawk. Bawng humhalh chungchang hi BJP chuan campaign au hlaah a hmang fo a, an sorkarna state eng emaw zatah bawng talh khapna dan pawh an lo pass tawh a ni. Kum 2014-a centre-a BJP-in thuneihna a chan atangin, bawng talh leh sumdawnna atana hmanga inpuh chungchanga mipui-ten kut an thlak rawnna a thleng fo tawh a ni
Post a Comment