Rauthla August 4, 2021: Lawngtlai District CADC Area a awm Longpuighat, Zonal Young Chakma Association te chuan Longpuighat a Primary Health Centre (PHC) luah theih a peifel tawh tih puitlin a, Doctor dah thuai turin Health Minister Dr. R. Lalthangliana an ngen.
July ni 13 khan PHC tih puitlin a nih theihna turin ngenna siam tawhin, he building hi Community Covid Care Centre a tan hmangin, Nurse 1 leh health worker 2 ten an enkawl a, ZYCA thu chhuaha tarlan angin, Longpuighat Area ah hian CADC MDC Constituency 10 awmin, sumdawnna kawngah pawha an pan khawmna hmun a nih angin damlo tam tak pan khawm theihna tur a ni a, Longpuighat leh a chhehvel khuaah hian 2019 Village Population of CADC a lan angin, chhungkaw 6772 vel awmah mihring 25940 vel an awm a, heng mipui ten damdawi lam inenkawlna tha an dawn theihna tur in Medical Doctor hi a rang theih ang ber a dah an phut a ni.
Kum tinin naupang Sikserh, pumna leh khawsikpui vanga boral te, Nu Nau chunga thi te, Damdawi in panpui laia thi te an awm thu tarlan a ni bawk Minister hnenah hian thlen a ni bawk.
He an thuchhuah hi ngaipawimawh a, arang theih ang ber a tih hlawhtling a nih theih nan Health Minister Dr. R. Lalthangliana leh Mizoram sawrkar an ngen a ni.
Post a Comment