LAI MIPUI TE TAN LADC AH MNF LEH INC TE SORKAR TURIN THLAN CHI LOH
Lai mipuiten LADC a sorkar turin MNF leh INC te hneh takin kan thlang tling thin a. Mipuiten beiseina sang tak nen kan lo thlir thin anih kha...Term hmasa ah khan Pu VL Hmuaka INC CEM lai chu Pu T Zakunga INC te thoin no-confidence Motion pu lutin Congress leh Congress an in moved a, Lai mipuite mualpho takin min siam tawh a, hun rei tak sorkar na mumal pawh nei loin, LADC staff te pawh baihvai takin an awm anih kha.
Term thar aloin her chhuak a, nikum November ah inthlanna nei leh in, MNF party chu MDC 20 lai neiin,mipui ten kan vote tling anih kha. Lairam mipui ten sorkar na nghet leh chak tak kan nei dawn niin kan hria a,kan lawmin kan thla amuang hle a ni.
Hetiang anih lai hian LADC a MNF sorkar thar Pu Manghmunga chinzah kaihhruai chu MNF tho Pu V. Zirsanga pawlte chuan,Dt 26.8.21 khan, an paih thla leh ta a,Lai mipuite hi kan chhehvel mite hmuhsit atan Congress leh MNF te hian min va siam zing em.
Hetiang zela ram leh hnam hmasawnna aia lalna leh thuneihna ringawt buaipuitu party an nih avang hian LADC ah hian Congress leh MNF te hi sorkar tura thlan tlak ani lo ani tih hi, kan hun kal tawh leh tunhun kan hman mekah an nemghet ani tih Lai mipuite hian hre renga theih nghilh hauhlo turin ZPM Lai Dist Hqrs Lawngtlai chuan kan ngen tak meuh a ni.
Issued by IT & Media Dept ZPM Lai District Hqrs, Lawngtlai
Post a Comment