Lawngtlai, August, 28, 2021 : Tunlaia Lawngtlai zaithiam hriat hlawh chho mek F. Lalramhnaii chuan karleh hian Music Video thar a tichhuak dawn. F. Lalramhnaii hla tihchhuah tur hi 'LADC hla' tih a ni a, C. Benjamin phuah niin, karleh lam hian C. Benjamin Official Youtube channela-ah tihchhuah a ni ang. Music Video hi peihfel tep a ni.
He hla hi tihchhuah tur hi LADC chu kan hnam innghahna a nih zia sawina niin, dikna, felna a awm zel a pawimawh thu leh LADC chu mi chanhaite tan parvul zel se, lungrual takin Lai mipuite ke pen ho tura sawmna hla a ni. He hla hi Lai ṭawnga tihchhuah a ni ang.
F. Lalramhnaii hi Sangau-II a piang a ni a, a pa hming. F. Lalbiakhluna ‘L’ niin, a nu chu. Chanthadawngi a ni a, unau pali hmeichhia vek niin a te ber a ni.
F. Lalramhnaii hian zai lama bul a tan hma hle a, KNP a nih laiin a zai tawh a, mipui hmaa a zai hmasak ber chu Sangau Block Youth Organisation in Moral Reformation programme an buatsaihah a ni a, heta tang hian mipui hriat a hlawh tan.
Music Video Official in pali a siam tawh a, chungte chu, 1. Lairam caah laipa 2. Ka fak zel ang 3. Kan chuah semnak 4. Nitinin nang ka ngai che 5. Chin ram thar 6. Lam kan thai e tihte a ni.
Kohhran lamah zaipawlah a in hmang nasa hle a, RCC Choir ah kum 2017-18 ah a tel a Bial zaipawlah hian kum engemaw zat a lo tel tawh bawk. YLA Sub Headquarter, Sangau zaipawl ah hian a lo inhmang hrep tawh bawk.
F. Lalramhnaii hian ama pualin Youtube channel a nei a, hetah hian a official music lo ni video thahnem tak a dah bawk a ni. A hla pakhat Nitinin nang ka ngai che tih chu Zonet Zunthar top chart-ah pahnihna tum hnih a luah thei a ni.
Rauthlain a kawmnaah F. Lalramhnaii chuan, Laifate hi mahni hnampuite hmasawnna kawng an zawhna kawngah in support leh in lawmpui kan thiam lova, mahni chipui leh mahni hnam thil ngaihsanna chang kan lo hre fo chu hmasawn kan ngaihna lai a ni a ti.
Post a Comment