India rama infiamna lama mi hmingthate chawimawina sang ber (the highest sporting honour of india) ' Ragiv Gandhi Khel Ratna Award' chu Major Dhyan chand Khel Ratna Award tia thlak a ni dawn ta.
He thu hi Prime Minister Narendra Modi chuan August 6,2021 khan a tweeter kaltlangin a puang.Pu Modi chuan india ram hmun hrang hrang atangin rawtna tam tak a dawng tih sawiin he rawtna neitute ngaihdan leh rilru chu lawmawm a tih thu leh zahawm a tih thu sawiin hetiang thutlukna hi a lo lang ta nia ngaih a ni.
Ragiv Gandhi Khel Ratna Award hi kum 1991-1992 atang khan semchhuah tan a ni a.
Khel Ratna Award chu engvanga Rajiv Gandhi hming chawia kalpui nge a nih?
India ramin kum 1982 Asian Games a thlen dawn khan Delhi khawpui hian khawvel khawpui dangte iangin nasa takin hmel thar a hmu a.Jawaharlal Nehru Stadium cheithain seat 60,000 chuang dah a ni a.Sport infrustructure thar tha tak tak te,delhi capital kawngpui leh flyover leh skyline te siamtharin kawng hrang hrangah hmasawnna hmel thar hmuh tur a tam em em mai a.Hetiang thil a lo thlen theihna chhan chu khatih laia Prime Minister Indira Gandhi fapa Rajiv Gandi kha Organising Committee Member pakhat niin a Asian Games atan a contribution kha a sang tak zet a ni.
Tin, Rajiv Gandhi kha kum 1984-1989 chhung khan kum 40 mi chauh niin Prime Minister a ni a.Modern india siamtu leh hmahruaitu ropui anga ngaih a ni.Hetih laiin kum tina india infiammite chawimawina award dawngtu tur thlangtu Ministry of Youth Affairs & Sports hnuaia selection committee chuan Asian Games 1982 contribution turu leh kum 40 mi lek nia mihring vaibelchhe tam tam awmna India rama hneh taka PM a rawn ni a india ram hmalam panpuitu , Tamil hel ten an thah zui tak Ragiv Gandhi hming chawiin Khel Ratna Award chu Ragiv Gandhi Khel Ratna Award tiin kum 1991-1992 atang khan kalpuia semchhuah tan a ni ta a ni.Kum 29 kalpui a nih hnuah Central a NDA sorkar term hnihna a Prime Minister Narendra Modi chuan Major Dhyan Chand a hming chawiin Khel Ratna Award chu kalpui anih tur thu a puang ta a ni.
Tichuan Ragiv Gandhi Khel Ratna Award thlakna tur hming Major Dhyan chand chu tunge.
Father of Indian Sports tia koh Major Dhyan Chand hi kum 1905 ,August 5 khan Prayagraj ah a lo piang a.Kum 1979 December 3 khan AIIMS, New Delhiah kum 74 mi niin cancer natna avangin khawvel a chhuahsan a. Kum 1936 khan Janaki Devi nen inneiin fapa hlir 7 a nei a..Kum 1922-1956 chhungin British Indian Army ah tangin Major hna a kai hman a ni.
Dhyan chand hi hockey ah field player tha leh goal khung thei tak a ni a. kum 1928 1932,1936 khan hockey ah india chu olympic gold medal a lakpui a.A vanglai kum 1928-1964 chuan India leh khawvel pumah a lar vet vet hle a .A hunlai na na chuan hockey ah india chuan khawvel a awpbet hneh hle a ni.A hming chawia sport lama chawimawina sang ber Khel Ratna Award "Major Dhyan Chand Khel Ratna Award" tia kalpui pawh hi a phu hle a ni.
Ragiv Gandhi Khel Ratna Award hian thil hlu tak tak pathum- Medallian,Certificate,25 lakh a keng tel a ni.
-Tz-a Lentupui-
Post a Comment