Bungtlang 'S', August 12, 2021 : Vawin August 12, 2021 khan Lawngtlai West bialtu MLA Pu C. Ngunlianchunga chuan Bungtlang 'S' khua leh a chhehvel khuate Covid-19 in a tihbuai mek avanga a tul anga hman turin Covid-19 RAgT test kit sangkhat chuang a pe.
Vawiina Pu C. Ngunlianchunga'n test kit a pek hi Bungtlang 'S' Medical Officer Pu Johny Pu Lalmuanpuia Tlau kutah a hlan a, he hunah hian Lawngtlai West bialtu MLA Pu C. Ngunlianchunga chu Home quarantine a nih avangin a aiawhin, Lai DYCC President Pu Laltlawmlova Chinzah leh Pu C. Kapkima Gen. Secretary, Lai DCC Hqrs., Lawngtlai ten test kit hi an hlan a ni.
Vawiin vek khan Pu C. Ngunlianchunga, MLA chuan CHC Chawngte a hman tur RAgT test kit zaruk a pe a, RAgT test kit hi MLA aiawhin Pu Hc. Lalerngkima'n Dr. Walter Lalnuntluanga Sailo, SMO, CHC Chawngte hnenah a hlan a ni.
Post a Comment