Hun rei tak atang tawh a kan lo beisei leh nghakhlel em em Sixth Schedule Amendment chu hmawrbawk kan thleng thei ta a, Central Sawrkar chuan State dang a ADCs te chungchanga a tih thin ang thoin Mizoram State Sawrkar ngaihdân a rawn zawt ve a kan lawm hle.
Tichuan, Dt. 03.08.2021 khan District Council & Minority Affairs Department, Government of Mizoram chuan Lehkha Memo No.C.36018/1/2015-DC&MA hmangin Mizorama District Council pathum (Lai, Mara leh Chakma) Chief Executive Member te chu 125th Constitutional Amendment Bill, 2019 chungchang sawihona Meeting pawimawh tak chu Chief Secretary's Conference Hall, Aizawl ah neihpui turin kohna a siam a. Mizoram chhunga District Councils hruaitute leh mipui te pawh he kohna pawimawh tak avang hian an lawm a, an hlim hle a ni.
District Councils hruaitu te Aizawl an thlen ni (Dt. 09.08.2021) la la hian Government of Mizoram, District Council & Minority Affairs Department chuan tun hma zawnga la awm ngai lo leh thleng ngai lo, thuchhuah mak danglam tak an Lehkha Memo No.C.36018/1/2015-DC&MA hmangin District Council hruaitute Meeting koh an nihna ah chuan telh ve phalsak leh si lovin, Chawpchilh takin Phuahchawp Meeting, District Council & Minority Affairs, Commissioner & Secretary Office Chamber ah ruahmansakin Revenue Collection, Budgeting & Expenditure Control etc. chungchang Meeting neihpui tura hriattir an ni zawk ta mai hi pawi kan ti tak zet a. Sawrkarna chelh mektu MNF Party in Mizoram chhunga hnam tenau zawk te an diriamna leh hmusitna ah kan ngai a ni.
Tun hnuah hetiang sut leh tur leh phuahchawp hnan leh tur kohna thu chhuah tawhlo turin MNF sawrkar kan ngen a. MNF sawrkar hian Mizoram chhunga hnam tenau zawkte an dikna chanvo rahbeh sak a, hmusit tawhlo turin Lai-Mara-Chakma BJP Coordination Committee chuan a ngen a ni.
Issued by: Lai-Mara-Chakma BJP Coordination Committee, Mizoram
Dt.11.08.2021 / C-500
Post a Comment