Rauthla 4th August, 2021 : MNF District Hqrs. Siaha chuan niminpiah lama Mara Autonomous District Council hruaituten NGOs leh All Party Meeting kova, nikum lama Mizoram sawrkarin Mizorama lal dan indawt (order of precedence) a tih chhuah tidanglam tura an lo ngen tawh tihdanglam a la nih loh avanga August ni 15, 2021 thlenga Mizoram sawrkar ngaihchan ni se an tih chu chhangin, Mizoram sawrkarin Order of Precedence a siam chu hman rih loh tura dah (kept in abeyance) a ni an ti a. Order of presedence siam thar siamthat a nih hma chuan Congress sarwkar laia siam Order of Precedence chu hman tura tih a ni an ti.
MNF District Hqrs. Siaha chuan “Chief Minister hnenah an lungawi theihna zan turin dilna leh ngenna an thehluh tawh chu bawhzui leh ni mai sela, tun din hmunah erawh, Mizoramin hun harsa tak Covid19 vangin kan tawng mek a, total lockdown thla 3 lai kalpui tawh a ni a, tin Assam nena ramri buaina kan nei mek a, kan ram hruaituten hun khirh an tawn laia buaina tibelh chhah tura hetiang thil an rawn sawi lang leh hi, keini MNF Dist Headquarter:Siaha chuan a hun kan ti lo hle a ni.” an ti.
MNF District Hqrs. Siaha chuan “Tuna kan hman mek hi tuna kan ram hruaituten, Congress hun laia lungawi taka an hman thin kha a ni a.Hetiang thilah hian mipuite rilru hruaikuai zawng, impumkhatna tichhe zawng leh a politics zawnga kalpui lo hram turin, MNF Dist Headquarter:Siaha chuan, Mara rama hruaitute leh Siaha District mipuite kan ngen tak meuh meuh a,Nikum lamah lungawi lohna lantirin, Indepedence day leh Republic day te pawh MADC-in a hranin hmanna kan neih kha a tawk tawh viau mai a, kuminah chuan, lungrual takin, zalenna hlutzia hre thar lehin Indian Independence Day pawh hi hmunkhatah hmang turin,MNF Dist Headquarters: Siaha chuan kan ram hruaitute leh mipuite kan inngen tak meuh meuh a ni e” an ti
Post a Comment