Aizawl, August 7, 2021 : Nimin khan Mizoram University chuan Undergraduate (BA/B.Sc/B.Com leh B.Sc (Home Science) Even Semester (2nd, 4th leh 6th Semester) Result a tichhuak a, heng Semester ah hian zirlai 17,585 in Online exam an hmachhawn a, zirlai 17,019 in hlawhtlinna an chang a, za zela 96.78% in an pass a ni.
Final Semester bikah zirlai 4462 in exam an hmachhawn a, zirlai 4117 an pass a, pass hi za zela 92.27% a nia, hei hi MZU din atangin an pass that tum ber kum a ni.
Kumin Final Exam ah hian heng College- Govt, Saitual College, Govt. Zawlnuam College, HATIM leh St Xavier atang in ARTS stream ah zirlai exam zawngzawng (100%) an Pass a. Science Stream ah erawh chuan Lunglei Govt. College ti tha ber niin zirlai 98.25% an pass a ni. Commerce Subject bikah hian HATIM Leh Helen Lowry atangin zirlai zawng zawngin an Pass a, Home science subject, Govt. Ziritri Resdl College atangin Candidate zawng zawng an pass bawk.
Mizoram University hnuaiah hian Undergraduate College 29 a awm a, chung zinga College 22 chu sawrkar enkawl college niin, Kohhran college 4 leh mimal college 3 an inziak lut mek a ni.
Zirna kaltluang pangngai bakah hian Mizoram University hnuaiah hian Professional Course 14 in ziak lut an nei mek a. Heng zinga course thenkhat chunimin khan Result puan a ni bawk. Bachelor of Computer Application (BCA) Final result tichhuahah, zirlai 93 exam niin, zirlai 77 in Pass a, za zela 83.69% in an pass a ni. Heng Course MCA, BBA leh Bachelor of Social work (BWS ah te hian result puan ani tawh bawk a, MCA ah 93.75%, BBA ah 90.91% leh BSW ah 96.97% te an pass bawk.
Controller of Examinations, Prof Lalnuntluanga chuan, hripui kan hmachhawn mek laia, exam hlawhtling taka an nei thei chu lawmawm a tih thu a sawi a, hemi atana taima taka exam hmachhawntu zirlaite leh tha leh zung seng a, paper endik hnathawktu College ziritirtu te chungah lawmthu a sawi bawk.
Gold medalist te :
1. Lalnunpuia Renthlei Pachhunga University College Bachelor of Arts
2. Malsawmkimi Govt. Zirtiri Residential Science College Bachelor of Science
3. Lalthazuali Govt. Hrangbana College Bachelor Of Commerce
4. K. Malsawmsangi Govt. Zirtiri Residential Science College Bachelor of Science(Home Science)
Post a Comment