Dr. ZR Thiamsanga chuan contact tracing, mass testing leh interview na atanga data zirchian atangin CAB zawm tha vengah te hrileng inkaidarh huk a awm lo a; tunhnaia Tlangnuam leh Thakthing veng a mass testing atang in a chiang em em a ni, a ti.
CAB zawm tha lo, colony leh building chhawnga chengho inlen pawh, inkawmho, chaweikhawm leh intlawhpawh te chuan an inkaidarh ngei ngei tih a lang chiang hle a. Zirchianna atanga thil pawimawh tak lang chu vaccine lak a pawimawh hle a ni a ti a. Hrivei zingah Vaccine la tawhte chu an dam awlsam bik a, an hrivei pawh an tuar nep a, hrivei zinga vanduaina tawka nunna chanta zingah vaccine la lo an tam hle tih a tarlang bawk a ni.
Dr ZR Thiamsanga, MLA Chairman, Covid-19 Medical Operational Team (MOT) chuan Total Lockdown sawrkarin a lo puan tawh te chu huphurh tak leh loh theihloh thil a nih avanga puan a nih thin thu a sawi a. Total Lockdown kalpui mekah Mass Testing te neih theih a ni chu lawmawm a tih thu sawiin, hrileng darh zau zel tur venna kawngah hmalak dan tur ruahman nan te, hrileng darh dan leh inkaichhawn dan hriatchhuahna atan te pawh a tangkai takzet a ni a ti.
Post a Comment