Lawngtlai August 16, 2021 : Vawiin August 16, 2021 khan Deputy Commissioner, Lawngtlai chuan August 9, 2021 atanga August 16, 2021 chhunga Partial Lockdown a puan chu a lo tawp tak avangin, Lawngtlai khawpui chhungah August 17, 2021 atanga August 23, 2021 zanlai thlenga hman turin Partial Lockdown a puang chhunzawm.
Hemi hun chhung hian loh theih loh thilah lo chuan pawn chhuah leh inlenpawh khap a ni a, Building khata in hrang hrang luahte pawh intlawhpawh khap a ni.
Hemi hun chhung hian Dawr hawn hun leh bazar hun zone thumah then a ni a, dawr hi zing dar atanga tlai lam dar 3 thleng hawn phal a ni a, Zone I-na ( Lawngtlai Vengpui, New Vengpui, Bazar leh Council Veng) te Thawhtanni leh Ningaah ah bazar thei ang a, Zone II (Electric Veng, L-III, AOC leh Thingkah) te Thawhlehni leh Zirtawpniah an bazar thei ang a, Zone III (Chandmary, College Veng, Bethel Veng leh Chawnhu) te Nilaini leh Inrinniah an bazar thei thung ang. Bazar turte hian mahni veng VLTF lehkha neih tur a ni.
Commercial/Govt./Private lirtheite chu nitin tlan phal a ni a, Tul zual lo ah chuan lirthei khalh chhuah loh tur a ni.
Tin, mahni veng bazar ni ah chauh Bank dawr theih a ni a, hemi niah chauh hian ATM ah pawh kal theih a ni ang.
Heng bakah hian inkaihhruaina thahnem tak la siam a ni a, Partial Lockdown inkaihhruaina hmasa nen a danglam em em lo.
Post a Comment