Rauthla, August 10, 2021 : Aung San Suu Kyi-i thubuai chungchangah a Ukil U Khin Muang Zaw chuan August ni 9-a court tur ni mah se, court rorelna nei lovin, August ni 16 leh 17-a sawn hlat leh a nih thu a sawi.
Covid-19 hri inkaidarhna chhuanlamin military council chuan July ni 17 atanga July ni 25 thleng, ni 9 chhung chu office chawlhah a puang a. Office chawlh hun chhung tur chu August 1 thleng vawi khat, ni 8 thleng vawi khat, ni 15 thleng tia vawi thum zet a pawh sei tak zel avangin, Pi Suu Kyi-i thubuai ngaihthlakna hun tur court ni chu sawn a ta zel a ni.
Pi Suu Kyi-i hian tunah thubuai 9 a awrh mek a, military council lamin heng thubuai zawng zawngah hian thiam loh a chantir a nih chuan hremna sang ber kum 40 chuang jail a tang dawn tihna a ni.
Thla 1 vel zet chu Pi Suu Kyi-i thubuai sawifel hleih theih lohin a lo awm tawh a ni.
Post a Comment